మనం కూడా ఇలా చేస్తున్నామా?

ఒకావిడ  ఒంటరితనంలో తనకు తోడుగా ఉంటుందని ఒక షాప్ నుంచి ఒక చిలుక కొనుక్కుని వెళ్ళింది.

మూడు రోజుల తర్వాత తిరిగి వచ్చి షాప్ అతనితో " నా చిలుక అసలు మాట్లాడటము లేదు, ఆడటం లేదు " అని చెప్పింది.

షాప్ అతను " మీరు దాని పంజరంలో ఒక అద్దం పెట్టండి, చిలుకలు అద్దంలో చూసుకుంటూ మాట్లాడతాయి" అని ఒక అద్దం అమ్మాడు.

ఆవిడ మళ్ళీ రెండు రోజుల తర్వాత వచ్చి, ఇంకా మాట్లాడటము లేదు, ఆడుకోవటంలేదు అని చెప్పింది.

దానికి షాప్ అతను " అలాగా! కొన్ని చిలుకలు పంజరంలో నిచ్చెన పెడితే బాగా హుషారుగా ఉంటాయి , ట్రై చెయ్యండి" అని నిచ్చెన ఇచ్చాడు.

మళ్ళీ రెండు రోజుల తర్వాత వచ్చి ఆమె నీరసంగా " ఇంకా ఏమీ చేయటము లేదు" అని చెప్పింది.

" మేడం ! మీరు ఉయ్యాల పెట్టండి, ఊగుతూ హుషారుగా కబుర్లు చెబుతుంది" అని ఉయ్యాల ఇచ్చాడు.

ఆవిడ తిరిగి మర్నాడే వచ్చింది. షాప్ అతను ఆత్రుతగా " మేడం, ఇప్పుడు చిలుక ఓకేనా? " అని అడిగాడు.

ఆవిడ బాధగా చిలుక చనిపొయింది అని చెప్పింది.

 దానికి అతను " అయ్యో! అలాగా, చిలుక చివరి వరకూ ఒక్క మాట కూడా మాట్లడక పోవడం బాధగా ఉంది" అన్నాడు.

ఆమె" లేదు, లేదు, చనిపోయేటపుడు నాతో మొదటి సారి, చివరి సారి మాట్లాడింది" అంది.

అరె అవునా, ఇంతకీ ఏం మాట్లాడింది?

" ఒసే దరిద్రపు ముఖం దానా! ఆ షాపులో నేను తినడానికి ఏమీ అమ్మరా?" అని చనిపోయింది.

నవ్వుతున్నారా? ఆవిడ దానికి అవసరమైన తిండి పెట్టకుండా, అద్దం, నిచ్చెన, ఊయల లాంటి హంగులు అన్నీ ఏర్పాటు చేసి, అది సరైన ఫలితాన్ని ఇవ్వట్లేదని బాధ పడింది.

మీకు తెలుసా? మనందరం కూడా జీవితంలో ఇలాగే చేస్తాము.

జీవితంలో రెండు విషయాలు: ఒకటి అవసరమైనది, రెండు మనకు నచ్చినది.

మనకు నచ్చినది నిజంగా అవసరము కాక పోవచ్చు, అవసరమైనది మనకు అన్నిసార్లూ నచ్చక పోవచ్చు.

జీవితంలో పైకి రావాలంటే ఈ తేడా స్పష్టంగా తెలియాలి.

మన అందరికీ డబ్బు సంపాదించాలనే ఉంటుంది, కాని దాని కోసం మనం అవసరమైన పని కాకుండా మనకు నచ్చిన పని చేయడంలో బిజీగా ఉండి,కావలసిన ఫలితం ( ఈ విషయంలో సంపాదన) రావటం లేదని బాధ పడుతుంటాము.

దానికి తోడుగా జ్యోతిష్కుల దగ్గరికి, వాస్తు పండితుల దగ్గరికి,మరొకటి మరొకటి అంటూ బిజీగా తిరుగుతూ వచ్చిన కొద్దిపాటి సంపాదన కూడా వారికి సమర్పించుకుంటాం.

అది రైటా? రాంగా? అనేది ఇక్కడ విషయం కాదు.

నువ్వు ఒక పని నిన్నటి దాకా చేసినట్లే ఈ రోజు కూడా చేస్తే, నిన్నటి దాకా వచ్చిన ఫలితమే ఈ రోజు కూడా వస్తుంది.

ఆ ఫలితం నచ్చకపోతే, పని చేసే విధానంలో అవసరమైన మార్పు చేయాలి(నీకు నచ్చక పోయినా సరే).

సామాన్యుడికి, విజేతకి ఇదే తేడా!

సామాన్యుడు నచ్చకపొతే అవసరమైనా కూడా చేయడు.

విజేత నచ్చకపోయినా సరే అవసరమైన పని చేస్తాడు కావలసిన ఫలితాన్ని పొందుతాడు.

మీరు మీ జీవితంలో డబ్బు సంపాదించడానికి అవసరమైనవి ఏంటో తెలుసా?

మీరు అదే చేస్తున్నారా?

మీరు మీ జీవితంలో మీ సంపాదన పట్ల సంతోషంగా ఉన్నారా?

"ఆ! దానికి అంతు లేదు" అని మీరు అనుకుంటున్నారు.

మీ జవాబు సరియైనది కాదు అని మీకు కూడా తెలుసు.

మీరు సుఖవంతమైన జీవితం గురించి అలోచిస్తున్నారే గాని, బిల్ గేట్స్ లా కావాలని కాదుగా?

మీకు మీ జీవితంలో డబ్బు సునాయాసంగా రావాలన్నా, వచ్చిన డబ్బు నిలవాలన్నా, మొండి బాకీలు, ఆస్తులు దక్కాలన్నా,మీ ఇల్లు లక్ష్మీ నివాస గృహంగా మారాలన్నా?

మీరు ఇప్పటి దాకా చేసిన విధానం పనికి రాదని మీకు అనిపిస్తే, సరి యైన మార్గం కోసం మమ్మల్ని సంప్రదించండి.